«Jandeks» nabyŭ bujny servis dastaŭki, jaki pracuje i ŭ Biełarusi
Rasijski IT-hihant «Jandeks» abviaściŭ pra nabyćcio łahistyčnaha apieratara Boxberry, što dazvolić kampanii ŭzmacnić svaje pazicyi ŭ śfiery elektronnaj kamiercyi i dastaŭki tavaraŭ, piša Myfin.by. Hety apieratar maje šmat svaich adździaleńniaŭ i ŭ Biełarusi.
Zdymak ilustracyjny. Fota: photo-search.site
Paśla zaviaršeńnia intehracyi dźviuch kampanij, jakaja płanujecca da kanca 2025 hoda, karystalniki Boxberry atrymajuć dostup da šyrokaj infrastruktury «Jandeksa». Akramia taho, im buduć dastupnyja novyja varyjanty dastaŭki, uklučajučy ekspres-dastaŭku na praciahu dnia.
Servis Boxberry ź leta 2020 hoda pradstaŭleny i ŭ Biełarusi. Ciapier bolš za 115 biełaruskich haradoŭ dastupnyja dla dastaŭki adpraŭleńniaŭ z Rasii praz amal 350 partniorskich adździaleńniaŭ pa ŭsioj krainie.
Čytajcie taksama:
Wildberries pašyraje kurjerskuju dastaŭku za miežy Minska
U Minsku zapuskajuć servis z chatniaj ježaj, hatavać mohuć usie
«Jak na korm śvińniam»: hladzicie, što ciapier z bulbaj u Minsku