Ź Biełarusi ŭ Aŭstryju ekstradavany złačyniec, jakoha šukali praź Interpał
U Biełarusi 38-hadovy hramadzianin adnoj z krain Kaŭkazskaha rehijonu byŭ zatrymany pry pierasiačeńni miažy ŭ suviazi z tym, što jaho šukali pa linii Interpała.
Jon abvinavačvajecca va ŭčynieńni sieryi kradziažoŭ z praniknieńniem u žyllo ŭ składzie arhanizavanaj złačynnaj hrupy na terytoryi Aŭstryi, paviedamlaje MUS.
Pa vynikach razhladu prośby ab vydačy, pryniata rašeńnie ab jaho ekstradycyi dla dalejšaha pryciahnieńnia da kryminalnaj adkaznaści.
Pracedura pieradačy adbyłasia ŭ punkcie pamiežnaha propusku «Brest».