Kamandu Cichanoŭskaj pakinuŭ kiraŭnik adździeła źniešnich suviaziaŭ
Pra sychod kiraŭnika adździeła źniešnich suviaziaŭ Ofisa Śviatłany Cichanoŭskaj Daniiła Harkavaha paviedamiła sama Cichanoŭskaja.
Śviatłana Cichanoŭskaja i Daniił Harkavy. Fota: Ofis Śviatłany Cichanoŭskaj
«Daniił dałučyŭsia da nas jašče ŭ listapadzie 2020 hoda i ŭsie hetyja hady my byli pobač u Litvie. Ja ŭdziačnaja jamu za spakoj, vysokuju efiektyŭnaść u raspracoŭcy i realizacyi prajektaŭ, i, kaniešnie, za vieru ŭ Biełaruś. Viedaju, što rašeńnie pakinuć Ofis było niaprostym.
Ja jaho pavažaju, prymaju i padtrymlivaju. I vieru, što pryjdzie dzień — i my znoŭ budziem pracavać razam, užo ŭ volnaj Biełarusi. Dla mianie heta taksama napamin, što Ofis jak struktura pavinien być hatovy da źmienaŭ, u tym liku kadravych. Našaja zadača — budavać ustojlivyja sistemy, jakija buduć funkcyjanavać u lubych umovach i słužyć ludziam», — zajaviła Cichanoŭskaja.
«Sychod — heta nie raźvitańnie. Praciahvaju vieryć u našu ahulnuju spravu i viedaju, što my jašče sustreniemsia i budziem pracavać razam jak sa Śviatłanaj, tak i ź inšymi kalehami i kalažankami, mnohich ź jakich, na vialiki žal, nie maju prava nazyvać publična», — prakamientavaŭ svajo rašeńnie Harkavy.
Čytajcie taksama:
Biznesmien Kuŭšynaŭ zabraŭ u Franaka Viačorki kupleny hadzińnik i padaryŭ jamu inšy