Kiraŭnikami Stolinskaha i Drahičynskaha rajonaŭ stali rodnyja braty
Alaksandr Pačko i Siarhiej Pačko sustrelisia ŭ kabiniecie Łukašenki.
Pamiž Drahičynam i Stolinam, rajcentrami ŭ Bresckaj vobłaści, 130 km. Ale ciapier źjaviłasia toje, što ich źviazvaje, — asoby kiraŭnikoŭ.
Alaksandr (źleva) i Siarhiej (sprava) Pačko ŭ kabiniecie Alaksandra Łukašenki
Staršynioj Drahičynskaha rajvykankama pryznačany Siarhiej Pačko, staršynioj Stolinskaha — Alaksandr Pačko. U ich ahulny baćka.
Alaksandr (źleva) i Siarhiej (sprava) Pačko
Starejšy — Siarhiej. Jon naradziŭsia ŭ 1969 hodzie ŭ stolinskaj Biełavušy (heta adtul pachodzić eks-staršynia Nacbanka Pavieł Kałaŭr i lehiendarny dziadula Andrej Brucki, u jakoha 92 unuki). Ciapier heta ahraharadok na 2500 tysiačy žycharoŭ.
Paśla pracy ŭ kałhasach Siarhiej Pačko pabyŭ pieršym namieśnikam staršyni Drahičynskaha rajvykankama, paśla čaho ŭznačaliŭ paśpiachovuju drahičynskuju haspadarku «Alaksiejevičy-Ahra». Z kresła staršyni kałhasa jon viartajecca ŭ rajvykankam, ciapier — kiraŭnikom Drahičyna.
Jaho małodšy brat Alaksandr Pačko naradziŭsia ŭ 1975 hodzie ŭ vioscy Atvieržyčy — heta za 2 kiłamietry ad Biełavušy, pa inšy bierah raki Haryń. Alaksandr taksama byŭ pieršym namieśnikam staršyni rajona — tolki Stolinskaha. Paśla ŭznačalvaŭ Łuniniecki (2015-2022) i Kobrynski (2022-2025) rajony. Ciapier budzie kiravać rodnym Stolinam.