U rasijskim Krasnadary kala 100 dezierciraŭ iznoŭ pasprabavali ŭciačy z častki
Kala sta rasijskich vajskoŭcaŭ, jakija raniej samavolna pakinuli słužbu, iznoŭ zrabili sprobu ŭciokaŭ z terytoryi adnoj z vajennych kamiendatur Krasnadara. Pra heta paviedamlaje nabližany da siłavikoŭ kanał Baza.
Incydent adbyŭsia viečaram 18 krasavika. Pavodle źviestak kanała, usie ŭdzielniki zdareńnia — vajskoŭcy sa statusam samavolna pakinuŭšych častku.
Jany ŭtrymlivalisia ŭ śpiecyjalna adharodžanym siektary na terytoryi kamiendatury, adnak hrupa kolkaściu kala 100 čałaviek prarvała aharodžu i vyjšła na asnoŭnuju terytoryju abjekta.
Jak udakładniaje Baza, uciekačy nie byli ŭzbrojenyja, i zdareńnie abyšłosia biez achviar i paciarpiełych. Zaraz kamiendatura ačeplenaja palicyjaj i Rashvardyjaj.
Paviedamlajecca, što ŭciačy ŭdałosia siami čałaviekam.