U Biełarusi budujuć čatyry bujnyja placoŭki čakańnia kala miažy

U chutkim časie ŭ Biełarusi pabudujuć i ŭviaduć u ekspłuatacyju čatyry pryhraničnyja placoŭki čakańnia elektronnaj čarhi, raskazaŭ staršynia Dziaržaŭnaha mytnaha kamiteta Uładzimir Arłoŭski.

Fota ilustracyjnaje

Abjekty pabudujuć kala punktaŭ propusku «Kamienny Łoh», «Hryharoŭščyna», «Varšaŭski most» i «Kazłovičy». Na ich źjavicca kala 2 tysiač mašyna-miescaŭ u dadatak da ŭžo najaŭnych.

Kala pahranpierachoda «Kazłovičy» budzie samaja vialikaja placoŭka čakańnia ŭ Jeŭropie. Jana zojmie 15 ha płoščy, na jakoj źmieścicca kala 800 mašyn.

«Takaja placoŭka zdymaje čarhu hruzavikoŭ prykładna na 1,5 km. Samaje hałoŭnaje — na joj płanujem maksimalny sacyjalny pieralik pasłuh — pačynajučy ad duša, pralni, kruhłasutačnaj kaviarni, Wi-Fi. Heta kompleks, jaki pavinien być dla narmalnaha čakańnia kiroŭcaŭ», — akcentavaŭ uvahu staršynia DMK.

U 2026 hodzie płanujuć uvieści ŭ ekspłuatacyju zonu čakańnia taksama pierad punktam mytnaha afarmleńnia «Varšaŭski most». U joj zmohuć znachodzicca adnačasova kala 450 lehkavych aŭtamabilaŭ.

Na litoŭskaj hranicy pierad punktam propusku «Kamienny Łoh» u 2025 hodzie pačnuć budavać placoŭku čakańnia elektronnaj čarhi. Pa słovach Uładzimira Arłoŭskaha, jana nievialikaja, tamu abstalujuć i druhuju.

U płanach taksama pačać prajektavańnie placoŭki na łatvijskim napramku, u punkcie propusku «Hryharoŭščyna».

Kamientary da artykuła