«Zachvareŭ? Idzi ŭ chram». Andrej Lemiašonak raskazaŭ, jak zaražaŭ ludziej na Vialikdzień 2020 hoda

U pieradvielikodnym vypusku prahramy «Skaži nie mołči» na kanale «Biełaruś 1» duchoŭnik Minskaha Śviata-Jelisaviecinskaha manastyra protaijerej Andrej Lemiašonak raskazaŭ, jak u razhar pandemii COVID-19 viasnoj 2020 hoda śviadoma nakiroŭvaŭ chvorych u chram, zaŭvažyła «Chryścijanskaja vizija».

Andrej Lemiašonak

«Była pandemija. Ja idu na nabaženstva, da mianie padychodzić: «Baciuška, ja zachvareŭ, što mnie rabić?» — Ja kažu: «Idzicie ŭ chram».

U tym ža intervju Lemiašonak dadaŭ: «Ja sam chvareŭ, darečy… Ale ŭ kožnaha svaje terminy».

U 2020 hodzie Śviata-Jelisaviecinski manastyr staŭ adnym z najbujniejšych ačahoŭ karanavirusa ŭ Biełarusi. Tady tam pamierła niamała manašak i viernikaŭ. Z-za takoha biezadkaznaha staŭleńnia da karancinnych mieraŭ mnohija ludzi pajšli z manastyra, a ŭ jeparchiju byli nakiravanyja listy ab złoŭžyvańniach. Paśla hetaha sanstancyja na peŭny čas zakryła manastyr.

Kamientary da artykuła