U Lemiašonka spytali, čamu carkva nie molicca za Łukašenku. Toj zapeŭniŭ, što molicca navat za Kačanavu
«Čamu carkva nie molicca za našaha prezidenta Alaksandra Łukašenku?» — takoje pytańnie zadali praŭładnamu śviataru Andreju Lemiašonku. Toj, zdajecca, krychu aburyŭsia i adkazaŭ, što molicca navat za Kačanavu. Zhadaŭ i 2020 hod.
Štotydzień Lemiašonak pravodzić efiry «Hutarki z baciuškam» na jutub-kanale Śviata-Jelisaviecinskaha manastyra. Zadać jamu pytańnie moža luby čałaviek — jak z zały, tak i niechta z tych, chto hladzić tranślacyju ŭ internecie. Paśla pytańnia pra malitvu za Łukašenku, śviatar vidavočna pačaŭ chvalavacca.
— Čamuści vy kažacie, što nie molicca. Asabista ja ŭ kožnaj liturhii vymaju pieršyja samyja vialikija čaścicy za Alaksandra Ryhoraviča [Łukašenku], za Uładzimira Uładzimiraviča [Pucina], za Natallu Kačanavu i za mnohich inšych, jakija, ja viedaju, nabožnyja — jak u Rasii, tak i ŭ Biełarusi.
Potym Lemiašonak krychu pačaŭ sumniavacca i ŭdakładniŭ, što «mabyć, molimsia» — bo ŭ niekatorych malitvach ułady (abstraktnyja) zhadvajucca. Śviatar taksama dadaŭ, što jość vierniki, jaki pa ŭłasnaj inicyjatyvie padajuć zapiski za zdaroŭje «prezidenta Alaksandra».
— Molimsia my, molimsia. Kali b nie malitvy carkvy, što b było ŭ nas u 2020 hodzie?! Vy što, nie razumiejecie, što heta byŭ duchoŭny pieravarot? Heta była vajna z pravasłaŭjem. Jak i zaraz idzie vajna z pravasłaŭjem. My heta viedajem, my heta razumiejem. A chtości nie razumieje i žyvie ŭ niejkich iluzijach. My bačym, za što i jak… I ŭ kaho jość unuki, dzieci, my razumiejem, što idzie vajna za ich budučyniu — budzie jana ci nie. Voś i ŭsio.
«Mnie dali hrošy i skazali: kupi dom». Jakuju nieruchomaść maje praŭładny śviatar Lemiašonak?
Jak były chipi staŭ na čale manastyra. Historyja adyjoznaha śviatara Andreja Lemiašonka
Śviatar Lemiašonak nazvaŭ rasijskich akupantaŭ mučanikami, a svoj manastyr — malitoŭnaj «krepaściu» Rusi
Śviatar Lemiašonak zaklikaŭ achvotnych chutčej pierajazdžać u Biełaruś, bo chutka siudy pryjedzie «ŭsia Jeŭropa» i miesca moža nie chapić
Kamientary