Fox News pakazaŭ vielikodnuju słužbu ŭ Kijevie z podpisam «Kijeŭ, Rasija»
Amierykanski telekanał trapiŭ u skandał padčas pramoj tranślacyi vielikodnych słužbaŭ — kadry z Kijeva supravadžalisia pamyłkovym podpisam «Russia».
Skryn vielikodnaj tranślacyi na YouTube Fox News: «Mieduza»
Padčas vielikodnaj tranślacyi na YouTube Fox News pakazvaŭ bohasłužeńni z roznych krain, u tym liku ź Michajłaŭskaha Załatavierchaha sabora ŭ Kijevie. Adnak na ekranie kadry sa stalicy Ukrainy byli pamyłkova paznačanyja jak «Rasija».
Heta vyklikała chvali abureńnia ŭ sacsietkach. Karystalniki adznačajuć, što padobnyja «pamyłki» vyhladajuć asabliva niedarečna i baluča na fonie praciahłaj vajny Rasii suprać Ukrainy.
Hety podpis u tranślacyi pravisieŭ kala 20 chvilin — paźniej Rasiju papravili na Ukrainu.
Na dadzieny momant Fox News nie dała publičnych tłumačeńniaŭ abo prabačeńnia za incydent.