Minabarony Rasii abvinavaciła USU ŭ parušeńni Vielikodnaha pieramirja
Minabarony Rasii zajaviła, što USU, niahledziačy na abvieščanaje Uładzimiram Pucinym Vielikodnaje pieramirje, raspačali sproby napadaŭ u rajonach Suchoj Bałki i Bahatyra ŭ Danieckaj vobłaści.
Skryn videa Minabarony RF
Ukrainskija vajskoŭcy, śćviardžajuć u rasijskim vajskovym viedamstvie, 444 razy abstralali pazicyi US RF i nanieśli 900 udaraŭ bieśpiłotnikami. U vyniku «jość zahinułyja i paranienyja siarod mirnaha nasielnictva, a taksama paškodžańni hramadzianskich abjektaŭ», havorycca ŭ zajavie Minabarony.
Pry hetym usie hrupoŭki rasijskich vojskaŭ, jak śćviardžajuć u Minabarony, z 18:00 19 krasavika «stroha vykonvali režym spynieńnia ahniu» i «zastavalisia na raniej zaniatych rubiažach i pazicyjach» u adpaviednaści z zahadam Uładzimira Pucina.
U svaju čarhu ŭkrainski bok abvinavaciŭ rasijan u parušeńni režymu cišyni ŭ vielikodnuju noč.