Vielikodnaje pieramirje skončyłasia, Rasija znoŭ zapuskaje bieśpiłotniki i rakiety
Paśla zakančeńnia «vielikodnaha pieramirja» Rasija, pavodle źviestak Pavietranych sił Uzbrojenych sił Ukrainy i ŭkrainskich manitorynhavych kanałaŭ, zapuściła pa celach va Ukrainie bieśpiłotniki-kamikadze.
Pavietranyja siły paviedamili pra ŭdarnyja bieśpiłotniki nad Čarnihaŭskaj, Sumskaj, Charkaŭskaj, Zaparožskaj abłaściami.
Pavietranaja tryvoha abvieščanaja ŭ hetych abłaściach, a taksama ŭ Dnieprapiatroŭskaj vobłaści, kudy nakiroŭvajucca šachiedy», što laciać praz Zaparožža. Načny nalot rasijskich bieśpiłotnikaŭ, pieršy paśla skančeńnia «vielikodnaha pieramirja», praciahvajecca: pastupajuć paviedamleńni pra ruch «šachiedaŭ» i stralbu SPA ź niekalkich abłaściej Ukrainy.
U Kijeŭskaj vobłaści pracuje supraćpavietranaja abarona.
Mer Mikałajeva paviedamiŭ, što ŭ horadzie byli čutnyja vybuchi.
Pavodle źviestak manitorynhavych kanałaŭ, u pavietranaj prastory Ukrainy adnačasova znachodziacca niekalki dziasiatkaŭ bieśpiłotnikaŭ-kamikadze.