Tajłand z 1 maja ŭvodzić novaŭviadzieńnie dla tych, chto ŭjazdžaje. Što treba viedać biełaruskim turystam
Tajłand z 1 maja ŭvodzić novaje patrabavańnie dla zamiežnych turystaŭ: jany pavinny zapoŭnić ličbavuju kartu prybyćcia TDAC (Thailand Digital Arrival Card), piša BiełTA.
Fota: vecteezy.com
Patrabavańnie datyčycca tych, chto ŭjazdžaje z 1 maja 2025 hoda na ŭsich vidach transpartu — naziemnym, pavietranym i marskim.
«Karta źjaŭlajecca abaviazkovaj da zapaŭnieńnia i nie źjaŭlajecca vizaj, — adznačyli ŭ hanarovym konsulstvie Tajłanda ŭ Biełarusi. — Patrabavańni da adkryćcia elektronnaj vizy i vizy pa prylocie zastajucca bieź źmianieńniaŭ».
Kab padać ličbavuju kartu, turystu nieabchodna za 3 dni da prybyćcia ŭ Tajłand, uklučajučy datu prybyćcia, zajści na sajt Imihracyjnaha biuro Tajłanda i zapoŭnić tam nieabchodnuju formu. U joj patrabujecca paznačyć nastupnuju infarmacyju: pašpartnyja dadzienyja, źviestki ab pajezdcy, infarmacyju pra stan zdaroŭja.
«Paśla paśpiachovaha zapaŭnieńnia ličbavaj formy nieabchodna adpravić svaju zajaŭku, spampavać kartu TDAC i zachavać jaje abo razdrukavać dla pradjaŭleńnia imihracyjnamu supracoŭniku pa prybyćci ŭ Tajłand», — raskazali ŭ hanarovym konsulstvie krainy.