Biełčyhunka prapanavała Litvie, Polščy i Łatvii adnavić čyhunačnaje złučeńnie
Heta było zroblena padčas pasiadžeńnia Kanfierencyi hienieralnych dyrektaraŭ (adkaznych pradstaŭnikoŭ) čyhunačnych administracyj Arhanizacyi supracoŭnictva čyhunak u Varšavie, u jakim brała ŭdzieł i biełaruskaja delehacyja.
Litoŭskija ciahniki na vakzale ŭ Vilni
«U chodzie Plenarnaha pasiadžeńnia Biełaruskaja čyhunka źviarnułasia da členaŭ Kanfierencyi hienieralnych dyrektaraŭ ASČK ad Litoŭskaj Respubliki (zavočna), Łatvijskaj Respubliki i Respubliki Polšča z prapanovaj ab adnaŭleńni pramoha pasažyrskaha złučeńnia Biełaruś — Litva, Biełaruś — Łatvija, Biełaruś — Polšča», — havorycca ŭ paviedamleńni Biełčyhunki.
Pasažyrskaje čyhunačnaje złučeńnie pamiž Biełaruśsiu i Polščaj, Litvoj i Łatvijaj było prypyniena padčas kavidu ŭ sakaviku 2020 hoda, a potym nie adnaviłasia z-za sankcyj.