Vatykan apublikavaŭ pieršuju fatahrafiju Papy Franciška ŭ trunie

U Vatykanie źjavilisia pieršyja fatahrafii pamierłaha Papy Franciška — jon lažyć u prostaj adkrytaj damavinie. Pobač ź ciełam — šviejcarskija hvardziejcy i vyšejšaje duchavienstva, piša Bild.

Fota: pres-słužba Vatykana

Kardynał Kievin Fareł paviedamiŭ, što Papa pamior napiaredadni ranicaj u 7:35.

«Usio jaho žyćcio było pryśviečana słužeńniu Hospadu i Jaho Carkvie», — zajaviŭ jon.

Francišku było 88 hadoŭ. U bližejšyja try dni cieła pantyfika budzie vystaŭlena dla publičnaha raźvitańnia ŭ sabory Śviatoha Piatra.

Pachavańnie, jak čakajecca, adbudziecca nie ŭ sabory, a ŭ bazilicy Santa-Maryja-Madžore — mienavita tak zaviaščaŭ sam Francišak dva hady tamu. Heta adna z hałoŭnych rymskich cerkvaŭ, dzie znachodzicca staradaŭniaja ikona Baharodzicy. Pierad joj jon maliŭsia da i paśla ŭsich zamiežnych pajezdak.

U Rym na raźvitańnie z pantyfikam prybuduć lidary z usiaho śvietu, u tym liku Donald Tramp.

Akramia taho, čakajucca i śpiecyjalnyja rejsy z Arhienciny — radzimy Papy Franciška.

Kamientary da artykuła