Jašče da śmierci Papy Franciška, kali jon ciažka chvareŭ, pačali ŭźnikać zdahadki ab jaho mahčymym pierajemniku. Ci jon budzie čałaviekam levych pohladaŭ jak pieršy papa-amierykaniec, i takim ža adkrytym, papulistam? Ci budzie kansiervatar i zakryty malitvieńnik, jak jaho papiarednik, papa Bieniedykt?
Chto moža stać papam? Favarytami na pasadu paśla Papy Franciška źjaŭlajucca: 70-hadovy dziaržsakratar Vatykana ź Italii z centrysckimi pohladami — Pjetra Paralin, 65-hadovy prezident Simpoziuma biskupskich kanfierencyj Afryki i Madahaskara — Frydalin Ambonha Biesunhu z Demakratyčnaj Respubliki Konha, jaki maje kansiervatyŭnyja pohlady, i 71-hadovy kansiervatyŭny kardynał Vilem Jakabus Ejk ź Niderłandaŭ, jaki kaliści byŭ lekaram. Adnak heta nie adzinyja kandydaty, piša gazeta.pl.
Siarod inšych patencyjnych kandydataŭ — 72-hadovy kardynał Pieter Erdzio ź Vienhryi, jaki maje kansiervatyŭnyja pohlady; 67-hadovy Łuis Antonia Tahle ź Filipin, jaki maje levyja pohlady; i 76-hadovy Rejmand Lea Bierk z ZŠA, jaki ličycca viadučym kansiervataram u Kaściole.
Žurnalisty padazrajuć, što pad uvahu moža patrapić i 67-hadovy Marya Hrek z Malty, jaki zaklikaŭ da taho, kab ludziej vyklučali z carkvy pa pryčynie seksualnaj aryjentacyi ci siamiejnaha stanovišča. Jašče adnym patencyjnym pierajemnikam Papy Franciška moža stać 69-hadovy kardynał Matea Dzupi ź Italii.
Ale ŭsie papiarednija prahnozy mohuć akazacca pamyłkovymi, tamu što novy kankłaŭ składajecca ŭ značnaj stupieni ź ludziej, pryznačanych na jaho zusim niadaŭna, časta z Cerkvaŭ, vielmi dalokich ad Ryma, tamu mohuć być rašeńni, niečakanyja dla ŭsich.
Jak abirajuć papu
Na praciahu nastupnych troch dzion truna ź ciełam Papy Franciška budzie vystaŭlena ŭ vatykanskaj bazilicy. Papa vykazaŭ pažadańnie, kab, u adroźnieńnie ad papiarednich Papaŭ, truna była zakrytaj. Data pachavańnia Franciška pakul nie viadomaja, paśla hetaha ŭ Kaściole adbuducca vaśmidzionnyja nabaženstvy, pryśviečanyja pamierłamu Śviatomu Ajcu.
Kankłaŭ pavinien pačacca nie raniej čym praz dva i nie paźniej čym za try tydni paśla śmierci Papy.
Kardynały starejšyja za 80 hadoŭ nie mohuć udzielničać u hałasavańni padčas kankłava. Papa budzie abrany, kali adzin z kandydataŭ nabiare nie mienš za 2/3 hałasoŭ.
-
Stała viadoma imia jašče adnaho biełarusa, jaki moh być zamiašany ŭ dyviersii ŭ Lejpcyhu. Pryčym jon źmianiŭ proźvišča
-
«My papiaredžvali»: Premjer Čarnahoryi prakamientavaŭ zatrymańnie kiraŭnika kanała «Rybar»
-
Nobieleŭskaja premija miru prysudžana jurystcy z PAR, byłoj advakatcy palitviaźnia Nelsana Mandeły
Ciapier čytajuć
Byłoha biełaruskaha palitviaźnia sudziać u Litvie za padrychtoŭku da zabojstva praciŭnikaŭ Kramla. Pahražaje až da pažyćciovaha10
Kamientary
U nas, kto poślednij - tot i papa!