Adzin z bankaŭ prapanavaŭ biełarusam mianiać u siabie paškodžanuju valutu
U pres-słužbie BNB-Banka paviedamili pra ŭviadzieńnie novaj pasłuhi, dziakujučy jakoj biełarusy zmohuć abmianiać sapsavanyja kupiury dalaraŭ, jeŭra i rasijskich rubloŭ na novyja. Pačynajučy z 24 krasavika, zrabić heta možna ŭ lubym adździaleńni hetaha banka pa ŭsioj Biełarusi.
U banku ŭdakładnili, što pamier kamisii składzie 9% ad sumy pa kursie Nacbanka, ale nie mienš za 10 biełaruskich rubloŭ. Naprykład, kali abmianiać paškodžanuju banknotu naminałam 100 dalaraŭ pa kursie ŭ 3,05 rubla, to kamisijnaje ŭznaharodžańnie budzie roŭnaje 27,5 rublam (9% ad 305 rubloŭ).
Akramia taho, z 24 krasavika BNB-Bank uvodzić kamisiju za źniaćcie najaŭnych z kart apłatnaj sistemy «Biełkart», jakija byli vypuščanyja ŭ inšych bankach. Ciapier pry atrymańni srodkaŭ u kasach i abmiennych punktach BNB-Banka ź biełarusaŭ śpišuć kamisiju sumaj 2,5% ad sumy apieracyi.
Čytajcie taksama:
Hałoŭčanka parazvažaŭ, čamu biełarusy ličać ceny ŭ dalarach, a rasiejcy — nie
Rasijski rubiel staŭ samaj prybytkovaj valutaj z pačatku hoda
«Źniali z karty 400 rubloŭ». Hetaja kamisija stavić klijentaŭ u tupik, ale banki jaje ŭvodziać