Z pačatku hoda rasijski rubiel umacavaŭsia da dalara bolš čym na 35%, staŭšy samaj chutkarosłaj valutaj u śviecie. Prybytkovaść ad rasijskaha rubla była vyšejšaj, čym ad zołata, piša Deutsche Welle.
Valuta RF taksama raście adnosna jeŭra i juania. Kurs rasijskaha rubla da dalara i juania ŭ piatnicu, 18 krasavika, dasiahnuŭ maksimumu z červienia 2023 hoda. Pra heta śviedčać źviestki na sajcie Maskoŭskaj biržy.
Tarhi dalaram i jeŭra na hetaj placoŭcy spynieny z červienia 2024 hoda z-za sankcyj ZŠA. Adnak Maśbirža praciahvaje publikavać indykacyjnyja kursy valut. Pavodle jaje danych, kurs dalara ZŠA da rubla na 18 krasavika skłaŭ 82,02.
Rubiel na maksimumie amal za dva hady
U kancy listapada 2024 hoda kurs rasijskaj valuty abvaliŭsia amal da 110 rubloŭ za dalar. Adnak u pačatku 2025 hoda za adzin dalar davali 101,68 rubla. Kurs hetaha hoda dasiahnuŭ maksimumu 15 studzienia (103,44) paśla taho, jak administracyja Džo Bajdena ŭviała sankcyi suprać rasijskaj nafty.
Adnak zatym, paśla viartańnia Donalda Trampa ŭ Bieły dom, kurs pajšoŭ uniz. Za hety čas rubiel umacavaŭsia da dalara na 30%.
Kurs juania ŭ pačatku hoda dasiahaŭ 13,94 rubla, a da 18 krasavika źniziŭsia da 11,16, heta značyć na 20%. Kurs jeŭra ŭ pačatku hoda dasiahaŭ 106,25, a da 18 krasavika źniziŭsia da 93,25, heta značyć na 12,25%.
Ciapierašni kurs dalara da rubla — minimalny z červienia 2023 hoda, juania — z maja 2023 hoda. Jeŭra tarhavaŭsia tańniej u lutym i sakaviku 2025 hoda.
Bloomberg: Rubiel vyhadniej za zołata
Amierykanskaje ahienctva Bloomberg paviedamiła 15 krasavika, što na mižnarodnym pa-za biržavym rynku rubiel umacavaŭsia da dalara z pačatku 2025 hoda na 38%, staŭšy samaj chutkarosłaj valutaj u śviecie. Rasijski rubiel staŭ bolš vyhadnym układańniem, čym zołata. Jano padaražeła tolki na 23%.
Jak adznačaje Bloomberg, rostu kursa rubla spryjaje rekordna vysokaja klučavaja staŭka Centrabanka RF — 21%, jakaja strymlivaje inflacyju. Akramia taho, u adroźnieńnie ad inšych valut krain, što raźvivajucca, rasijski rubiel nie adčuvaje cisku adtoku kapitału, vyklikanaha sychodam hłabalnych inviestaraŭ z ryzykoŭnych aktyvaŭ, bo bolšaść ź ich jašče raniej pakinuli Rasiju.
Ahienctva adznačaje, što ŭmacavańnie valuty moža stać niepryjemnaj niečakanaściu dla Kramla, bo źnizić dachody ad enerhanośbitaŭ, što atrymlivajucca ŭ valucie, i pavialičyć vydatki na vytvorčaść resursaŭ unutry krainy. Taksama ŭzraście abjom rublovych asihnavańniaŭ na vajnu va Ukrainie i sacyjalnyja prahramy.
Raźviedka ZŠA: Biełaruś stała pieradavym vajskovym płacdarmam Rasii24
Kamientary