ZŠA ŭvodziać pošliny da 3521% na soniečnyja paneli z Paŭdniova-Uschodniaj Azii
Vašynhton uvodzić pošliny ŭ pamiery da 3521% na impart soniečnych panelaŭ z krain Paŭdniova-Uschodniaj Azii. Pra heta piša Bloomberg sa spasyłkaj na danyja Ministerstva handlu ZŠA.
Ilustracyjnaje fota
Pavodle mierkavańnia amierykanskaha boku, miera padtrymaje vytvorčaść unutry krainy. U toj ža čas, ličać analityki, heta ŭdaryć pa enierhietyčnych kampanijach, jakija raźličvali na pastaŭki tannaha abstalavańnia z-za miažy.
Pošliny zakranuć vytvorcaŭ soniečnych panelaŭ z Vjetnama (395,9%), Małajzii (34,4%) i Tajłanda (375,2%). Maksimalnyja taryfy ŭviedzieny dla Kambodžy (3521%). Na hetyja čatyry krainy prypadaje kala 77% impartu soniečnych panelaŭ.
Rašeńnie ab pavyšeńni pošlin było pryniata pa vynikach rasśledavańnia, jakoje pačałosia jašče pry administracyi Džo Bajdena. Jaho vyniki pakazali, što vytvorcy soniečnych batarej z krain Paŭdniova-Uschodniaj Azii dziakujučy dziaržaŭnym subsidyjam pastaŭlali ŭ ZŠA abstalavańnie pa cenach nižej sabiekoštu vytvorčaści.