KDK za finansavańnie ekstremisckaj i terarystyčnaj dziejnaści zavioŭ 44 kryminalnyja spravy
Kamitet dziaržaŭnaha kantrolu zavioŭ 44 kryminalnyja spravy za finansavańnie ekstremisckaj i terarystyčnaj dziejnaści. Pra heta paviedamiŭ staršynia KDK Vasil Hierasimaŭ na sumiesnym pasiadžeńni Pałaty pradstaŭnikoŭ i Savieta Respubliki, piša BiełTA.
Vasil Hierasimaŭ. Fota: BiełTA
Staršynia KDK paviedamiŭ, što asnoŭnyja namahańni ŭ spynieńni kanałaŭ finansavańnia byli skiravanyja na analiz abarotu kryptavalut i kantrol płaciežnych servisaŭ roznych elektronnych sistem i sacsietak.
U 2024 hodzie orhanami finansavych rasśledavańniaŭ Kamiteta dziaržaŭnaha kantrolu vyjaŭlena 2,7 tys. kryptavalutnych tranzakcyj, źviazanych ź finansavańniem ekstremisckaj i terarystyčnaj dziejnaści. Raspačaty 44 kryminalnyja spravy. Tak, adzin z top-mieniedžaraŭ IT-kampanii pieraličyŭ kryptavalutu na sumu $290 tys. nibyta na karyść šerahu «terarystyčnych i ekstremisckich abjadnańniaŭ».
Hierasimaŭ paviedamiŭ, što razam z KDB zatrymali 1445 čałaviek, jakija z vykarystańniem płaciežnaha servisu Facebook pieraličvali hrošy tak zvanym ekstremisckim farmavańniam, a taksama ŭ 2024 hodzie vyjaŭlena 34 ekanamičnyja złačynstvy, ździejśnienyja hramadzianami, datyčnymi da «destruktyŭnaj dziejnaści».