Francuzski turyst zavoziŭ u Biełaruś hašyš u škarpetcy
U punkcie propusku «Kamienny Łoh» na litoŭska-biełaruskaj miažy zatrymali turysta z Francyi. U rečach mužčyny znajšli narkotyki, paviedamili ŭ Dziaržaŭnym mytnym kamitecie.
Fota: Dziaržaŭny mytny kamitet
Pavodle źviestak DMK, 46-hadovy hramadzianin Francyi jechaŭ u Biełaruś z žonkaj na rejsavym aŭtobusie i dla prachodžańnia mytnaha kantrolu abraŭ zialony kalidor.
«U zale mytnaha afarmleńnia słužbovy sabaka daŭ zrazumieć hrodzienskim mytnikam, što ŭ mužčyny jość zabaronienyja rečyvy», — skazali ŭ kamitecie.
Pry ahladzie sumki z rečami francuza ŭ joj byŭ znojdzieny schavany ŭ škarpetku skrutak, abhornuty polietylenavaj plonkaj. Turyst pryznaŭsia mytnikam, što ŭ im znachodzicca narkotyk.
Paźniej ekśpierty paćvierdzili, što rečyva sa skrutka — heta hašyš, a ahulnaja jaho masa — bolš za 2,5 hrama.
Ciapier u dačynieńni da zatrymanaha francuza zaviali spravu pavodle č. 1 art. 328-1 Kryminalnaha kodeksa Biełarusi. Hety artykuł jak maksimalnaje pakarańnie praduhledžvaje da siami hadoŭ pazbaŭleńnia voli.
Čytajcie taksama:
U Varšavie pa padazreńni ŭ zachoŭvańni narkotykaŭ zatrymali troch biełarusaŭ
U Breście žančyna pieravoziła narkotyki ŭ dziciačym vazku ź dziciom
Biełarus hołym biehaŭ pa Varšavie i spravakavaŭ niekalki DTZ. Pryčyna — narkotyki