Aktrysa ź Minska pyrnuła ŭ Pieciarburhu pjanaha kachanka. Jon prosić jaje nie karać, a ź Biełarusi na dapamohu jedzie muž
26-hadovaja Alaksandra Drazdova trapiła pad chatni aryšt.
Alaksandra Drazdova. Fota: kino-teatr.ru
Biełaruskaja aktrysa Alaksandra Drazdova zhulała hałoŭnyja roli ŭ trylery «Śvitanak» i dramie «Era miadźviedziaŭ», ale trapiła ŭ naviny nie dziakujučy svaim kinatalentam.
Drazdova ciapier pad chatnim aryštam u zdymnaj kvatery ŭ Pieciarburhu. Padčas surjoznaha kanfliktu z kachankam jana schapiła nož i paraniła jaho ŭ ruku i hrudzi. Kachanak — artyst Illa Del, zorka sieryjała «Utrymanki» — trapiŭ u reanimacyju.
Illa Del. Fota: eg.ru
Što ž adbyłosia pamiž kachankami? Alaksandra kaža, što ŭziała nož, sprabujučy abaranić svajo dvuchhadovaje dzicia ad pjanaha Dela. Illa nie kaža ničoha ŭciamnaha, ale prosić mocna nie karać jaje.
Advakatka Dela zapeŭnivaje, što ŭ pary było ŭsio surjozna i jany źbiralisia ažanicca. Advakat Drazdovaj piarečyć: jany navat nie žyli razam.
Tym časam u historyi źjaviŭsia jašče adzin hieroj. Jak piša rasijskaja «Ekspres-hazieta», pra hučnuju historyju daviedaŭsia aficyjny muž biełaruskaj aktrysy i pryjechaŭ u Pieciarburh na dapamohu Alaksandry i małomu dziciaci.