Vynieśli bujnyja zavočnyja prysudy hrupie bajcoŭ-kalinoŭcaŭ — až da 20 hadoŭ
Hienieralnaja prakuratura paviedamiła pra zaviaršeńnie zavočnaha suda nad piaćciu ludźmi, źviazanymi z Pałkom Kalinoŭskaha. Usim im padavali vialikija terminy źniavoleńnia.
Fota ilustracyjnaje
Janu Mielnikavu, Arciomu Bihielu i Ihnatu Kirejevu prysudzili pa 20 hadoŭ pazbaŭleńnia voli, Anastasii Machamiet — 18 hadoŭ z adbyvańniem pieršych piaci hadoŭ u turmie, a astatniaha terminu — u papraŭčych kałonijach va ŭmovach uzmocnienaha i ahulnaha režymaŭ, Viačasłavu Hranoŭskamu — 12 hadoŭ z adbyvańniem u papraŭčaj kałonii va ŭmovach uzmocnienaha režymu.
Kirejeva i Mielnikava abvinavacili ŭ stvareńni bataljonaŭ «Litvin» i «Vołat» i kamandavańni imi, Machamiet i Bihiela — u kamandavańni strukturnymi padraździaleńniami pałka Kalinoŭskaha, a Hranoŭskaha — va ŭdziele ŭ padraździaleńni. Taksama jość šmat i inšych abvinavačańniaŭ.
Akramia źniavoleńnia, usim asudžanym taksama prysudzili štrafy ŭ pamiery ad 500 da 3 500 bazavych vieličyń.
Čytajcie taksama:
U rasijskuju bazu vyšuku za paŭhoda dadali bolš za 1200 biełarusaŭ. Šmat viadomych proźviščaŭ
U Biełarusi za «ekstremisckija farmavańni» asudzili minimum 258 čałaviek