U Biełarusi za «ekstremisckija farmavańni» asudzili minimum 258 čałaviek
Na 27 sakavika 2025 hoda KDB i MUS pryznali ŭ Biełarusi 269 «ekstremisckich farmavańniaŭ». Pavodle infarmacyi «Viasny», za «stvareńnie abo ŭdzieł u ekstremisckim farmavańni» ŭ Biełarusi asudzili minimum 258 čałaviek, 58 ź ich — zavočna.
Za «stvareńnie ekstremisckaha farmavańnia abo ŭdzieł u im» (art. 361-KK) asudžanyja minimum 258 čałaviek. Pa hetym artykule byli asudžanyja minimum 22 žurnalisty i 11 błohieraŭ, šeść jurystaŭ i advakataŭ, 24 aktyvisty, 10 byłych siłavikoŭ, 31 palityka, 19 dziejačaŭ kultury.
Siarod asudžanych — 41 žančyna. 36 čałaviek asudžanyja za «ŭdzieł u ekstremisckim farmavańni» za padtrymku Ukrainy ŭ vajnie. 58 čałaviek asudzili zavočna.
Pavodle art. 361-1 KK u spałučeńni ź inšymi artykułami KK sudzili piać zamiežnikaŭ: Juryja Ziankoviča, jaki maje amierykanskaje hramadzianstva, hramadzianina Ukrainy Alaksandra Katoviča, niemca Ryka Kryhiera, rasijan Andreja Padniabiennaha i Aleha Syčova.
Pieršy prysud pavodle art. 361-1 KK u spałučeńni ź inšymi artykułami byŭ vyniesieny 6 vieraśnia 2021 hoda Maryi Kaleśnikavaj i Maksimu Znaku pa «spravie Kaardynacyjnaj rady», jakuju pryznali «ekstremisckim farmavańniem». «Kaardynacyjnuju radu» abvinavačańnie paličyła «ekstremisckim farmavańniem», meta jakoha nibyta składałasia ŭ kaardynacyi pratestaŭ i ŭ kančatkovym vyniku — u zachopie ŭłady.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki26
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1616
Kamientary