Vyznačyli staŭki dla palavańnia na biełaruskich miadźviedziaŭ i rysiaŭ
Saviet ministraŭ Biełarusi svajoj pastanovaj №233 ad 23 krasavika 2025 hoda vyznačyŭ košt dazvołaŭ na zdabyču miadźviedziaŭ i rysiaŭ. Dakumient raźmieščany na Nacyjanalnym pravavym partale.
Miadźviedź. Zdymak ilustracyjny. Fota: freepik.com
Paviedamlajecca, što minimalnaja hraničnaja cana dazvołu na zdabyču miadźviedzia dla biełarusaŭ i hramadzian krain JEAES składzie 500 rubloŭ. Dla hramadzian inšych zamiežnych dziaržaŭ hety košt składzie 1000 rubloŭ.
U toj ža čas hraničnaja cana dazvołu na zdabyču rysi składzie dla hramadzian Biełarusi i krain Jeŭrazijskaha ekanamičnaha sajuza 200 rubloŭ, a dla hramadzian inšych zamiežnych dziaržaŭ jana budzie 500 rubloŭ.
Taksama vyznačana, što palaŭničyja pucioŭki da dazvołaŭ na zdabyču nazvanych vidaŭ žyvioł składuć jak minimum piać rubloŭ z kožnaha palaŭničaha.
Čytajcie taksama:
Vyznačyli terminy palavańnia na čyrvonaknižnych miadźviedzia i ryś