Da kanca hoda ŭ Biełarusi zapuściać imhniennyja płaciažy pa QR-kodzie
Pra namier da kanca hetaha hoda ŭkaranić u Biełarusi imhniennyja płaciažy pa QR-kodzie paviedamiŭ namieśnik staršyni praŭleńnia Nacbanka Alaksandr Jahoraŭ na kanfierencyi «Ličbavy bankinh — 2025», pieradaje BiełTA.
Alaksandr Jahoraŭ adznačyŭ, što prymianieńnie štučnaha intelektu daje mahčymaść pavysić efiektyŭnaść unutranych bankaŭskich pracesaŭ i nakiroŭvać namahańni na vyrašeńnie bolš važnych pytańniaŭ. Siarod ich — ukaranieńnie ŭ siehmiencie roźničnych prodažaŭ sistemy imhniennych płaciažoŭ pa QR-kodzie.
Padobnuju technałohiju ŭžo vykarystoŭvajuć u asobnych biełaruskich kramach.
Novaja sistema dazvolić pradaŭcam kantralavać płaciažy ŭ režymie realnaha času, a klijentam — rabić pakupki z vykarystańniem QR-kodaŭ u mabilnych dadatkach lubych bankaŭ i pastaŭščykoŭ płaciežnych pasłuh. Pry hetym adpadzie nieabchodnaść vykarystoŭvać bankaŭskija kartki, najaŭnyja hrošy i apłatnyja servisy inšych krain.
Jak paviedamlałasia raniej, u Biełarusi ličbavy rubiel płanujuć uvieści ŭ abaračeńnie ŭ druhoj pałovie 2026 hoda dla biznesu. Da 2027 hoda im zmohuć karystacca dziaržorhany i fizičnyja asoby.
Čytajcie taksama:
Biełarusy ź vizami ŭ Litvie zastajucca biez bankaŭskich rachunkaŭ. Jakija ŭ ich varyjanty
Hałoŭčanka parazvažaŭ, čamu biełarusy ličać ceny ŭ dalarach, a rasiejcy — nie