Mocna zatrymlivajucca aŭtobusy, što jeduć z Polščy i Litvy ŭ Biełaruś
Pra heta paviedamlaje ŭ svaim telehram-kanale «Minsktrans».
Tak, aŭtobus Varšava — Minsk (numar AN8303-7), jaki mieŭsia adpravicca sa stalicy Polščy a 7-j ranicy, adpravicca tolki a 12-j.
A aŭtobus Vilnia — Minsk adpraŭleńniem a 8-j ranicy sa stalicy Litvy, vyjechaŭ u bok Vilni ź litoŭskaj miažy tolki ŭ 10:16.
U abodvuch vypadkach pryčyna spaźnieńniaŭ — doŭhaje prachodžańnie miežaŭ.
Tym časam na pamiežnym pierachodzie «Brest» na polskaj miažy pa stanie na 6-ju ranicu stajała 1735 lehkavych aŭtamabilaŭ i 60 aŭtobusaŭ.
Na litoŭskaj miažy ŭ «Kamiennym Łohu» staić 70 lehkavikoŭ, u «Bieniakoniach» čarhi niama.