Na Mahiloŭščynie adbyłosia zadymleńnie ŭ dyzielnym ciahniku
Biełaruskaja čyhunka paviedamiła, što 26 krasavika ŭ 15:50 na stancyi «Pahodzina» ŭ Horkach Mahiloŭskaj vobłaści adbyłosia zadymleńnie ŭ mašynnym adździaleńni dyziel-ciahnika №6537 «Orša — Kryčaŭ». Praz heta na svaju kancavuju stancyju jon pavinien byŭ prybyć sa spaźnieńniem da dźviuch hadzin.
Fota ilustracyjnaje
«Taksama z pryčyny taho, što adbyłosia, dyziel-ciahnik № 6536 «Kryčaŭ — Orša» idzie z zatrymkaj kala 1 hadziny 30 chvilin», — paviedamili na Biełaruskaj čyhuncy.
Pavodle aficyjnaj infarmacyi, zadymleńnie likvidavała łakamatyŭnaja bryhada. Na momant zdareńnia ŭ dyzieli było 260 čałaviek. Nichto z pasažyraŭ, jak śćviardžajecc, nie paciarpieŭ.
Pryčyna zadymleńnia pakul nieviadomaja.
Čytajcie taksama:
Piensijaniery znoŭ zmohuć jeździć u elektryčkach za pałovu cany
Biełčyhunka prapanavała Litvie, Polščy i Łatvii adnavić čyhunačnaje złučeńnie
Ciahnik Viciebsk — Smalensk urezaŭsia ŭ łasia
Čyhunka pryznačaje na majskija śviaty 120 dadatkovych ciahnikoŭ