Biełaruskaja čyhunka abviaściła pra pryznačeńnie dadatkovych ciahnikoŭ u pieryjad z 18 krasavika pa 12 maja 2025 hoda. Jak raskazali ŭ jaje pres-słužbie, u krasavickija i majskija śviaty, akramia asnoŭnych sastavaŭ, buduć kursiravać jašče 120 — u mižrehijanalnym i mižnarodnym złučeńniach.
Tak, pa Biełarusi pajeduć 72 dadatkovyja ciahniki pa najbolš zapatrabavanych u pasažyraŭ napramkach. Heta rejsy ź Minska va ŭsie abłasnyja harady, a taksama ŭ Oršu, Kryčaŭ i Pinsk.
Inšyja napramki: Homiel — Brest, Homiel — Viciebsk, Hrodna — Orša — Viciebsk, Viciebsk — Brest i Kamunary — Orša — Hrodna.
U mižnarodnych znosinach pry ŭzajemadziejańni z Rasijskimi čyhunkami pryznačana 48 dadatkovych ciahnikoŭ dla prajezdu arhanizavanych hrup i indyvidualnych pasažyraŭ pa maršrutach: Minsk — Maskva, Minsk — Sankt-Pieciarburh, a taksama Brest — Maskva.
Najbolšaja kolkaść dadatkovych ciahnikoŭ praduhledžanaja na 26, 29 krasavika, 8 i 11 maja.
Ciapier čytajuć
«Pamiery pałochajuć». Jak vyhladaje znutry novaadkryty handlovy centr u «Minsk-Śviecie» FOTY6
Kamientary