Milicyja padumvaje zakanadaŭča zabaranić vykarystoŭvać navušniki na abjektach čyhunki
Štohod na čyhuncy hinie kala 70 čałaviek. Bolšaść ź ich pjanyja, ale jość i tyja, chto prosta nie pačuŭ ciahnik.
Namieśnik načalnika ŭpraŭleńnia hramadskaj biaśpieki na abjektach transpartu MUS Vital Jakuboŭski raskazaŭ Sb.by pra płany siłavikoŭ:
«Čyhunka — krynica pavyšanaj niebiaśpieki. Užo z pačatku 2025 hoda 18 niaščasnych vypadkaŭ, 11 ź ich sa śmiarotnym vynikam. I va ŭsich faktach — parušeńnie asabistych mier biaśpieki. Tamu siońnia my idziom da taho, kab na ŭzroŭni pravavych aktaŭ zamacavać kankretnyja zabaronnyja normy, jakija zaraz majuć rekamiendacyjny charaktar.
Naprykład, zabaranić vykarystoŭvać navušniki na abjektach čyhunki, a taksama pierajazdžać čyhunačnyja puci na viełasipiedach i inšych srodkach piersanalnaj mabilnaści — tolki vieści ŭ rukach, zabaranić pierachodzić puci pierad ciahnikom».
Štohod u Biełarusi na čyhuncy hinie kala 70 čałaviek. Bolšaść paciarpiełych byli pjanyja.