U Klimavičach koška dapamahła 16-hadovaj dziaŭčynie vyratavacca padčas pažaru
U Klimavičach koška papiaredziła svaju haspadyniu pra pažar. Dziakujučy joj dziaŭčyna paśpieła vyklikać dapamohu i vyratavacca, piša MNS.
26 krasavika kala 16:20 u Klimavičach na vulicy 50 hadoŭ SSSR zdaryŭsia pažar u kvatery šmatpaviarchovaha doma. Žychary paviedamili ratavalnikam pra dym, jaki išoŭ z akna na čaćviortym paviersie.
MNS z dapamohaj padjomnika vyratavali dziaŭčynu 2009 hoda naradžeńnia. Miedyki ahledzieli jaje, špitalizacyja nie spatrebiłasia.
Jak raspaviała dziaŭčyna, jaje koška pačała chvalavacca i padyšła da dźviarej. Dziaŭčyna pajšła pahladzieć, što zacikaviła hadavanca, adčyniła dźviery, ale z-za mocnaha zadymleńnia nie zmahła vyjści z kvatery.
Pažar paškodziŭ stoli, ścieny i majomaść u kvatery, ale ŭsie žyvyja.
Papiaredniaja pryčynaj pažaru stała parušeńnie pravił ekspłuatacyi elektrapravodki i elektrapryboraŭ.