Bambardzira-krakadziła i baleryna-kapučyna — adkul heta?

Tyktok zapałanili niezvyčajnyja istoty: bambardzira-krakadziła, baleryna-kapučyna, trałalera-trałała… Što adbyvajecca?

Skryn: armenjiharhanjan / TikTok

Vierahodna, usio pačałosia z chadziačaj trochnohaj akuły pad nazvaj «trałalera-trałała». Hety vobraz, zhienieravany štučnym intelektam, źjaviŭsia ŭ tyktoku jašče ŭ studzieni 2025-ha, ale toje videa było vydalena.

Ideju hienieravać niezrazumiełych žyvioł padchapiŭ inšy tyktokier. U lutym 2025-ha karystalnik armenjiharhanjan apublikavaŭ u tyktoku videa ź niezvyčajnaj žyviołaj, zhienieravanaj štučnym intelektam. Hety hibryd krakadziła i bambardyroŭščyka tyktokier nazvaŭ «bambardzira-krakadziła». Rolik supravadžaŭsia sprečnaj ahučkaj na italjanskaj movie pra toje, što bambardzira-krakadziła byccam by lotaje bambić dziaciej u Hazie, nie vieryć u Ałacha i lubić bomby.

Videa zalacieła — na siońnia jano maje bolš za 21 miljon prahladaŭ. I z taho času ŭ tyktoku pačali źjaŭlacca inšyja žyvioły, zhienieravanyja štučnym intelektam.

Hety trend nazvali «italjanski brejnrot». Italjanski — tamu što nazvy žyvioł nibyta padobnyja da italjanskaja movy, a brejnrot — bo heta słova, jakim abaznačajuć virtualny kantent nizkaj jakaści, z anhlijskaj brainrot pierakładajecca jak «hnijeńnie mozha».

Skryny: patapimai, italianbrainrotmemes0, mrvlados24 / TikTok

Takim čynam na śviet źjaviłasia, naprykład, baleryna-kapučyna — hibryd baleryny z kubkam kavy zamiest hałavy. U roliku nižej jana źjaŭlajecca ŭ kampanii chadziačaj akuły trałalera-trałała:

Jość i mienš papularnyja hieroi. Naprykład, avakadzini-antyłapini:

Ci zialonaja liryliliryła:

Brendy nie prachodziać mima novaha trenda. Naprykład, avijakampanija Ryanair zrabiła niekalki tyktok-rolikaŭ u styli italjanskaha brejnrota. I starych hierojaŭ vykarystali, i prydumali novuju hierainiu — balerynu-płanieiču:

Kamientary da artykuła