Letaś 159 hramadzian Biełarusi źviarnulisia pa status uciekača ŭ Izraili
U paraŭnańni z 2023 hodam, kali z adpaviednym prašeńniem źviarnułasia 688 biełaruskich hramadzian, kolkaść skaraciłasia na 76,9%, paviedamlaje «Radyjo Svaboda».
Fota ilustracyjnaje
Ahułam letaś status uciekača ŭ Izraili paprasili 6 097 inšaziemcaŭ, biełarusy skłali 2,6% prośbitaŭ.
Siarod tych, chto źviarnuŭsia pa ŭciakactva, taksama byli hramadzianie Rasii (700), Indyi (580), Małavi (528), Šry-Łanki (508), Kitaja (276), Kienii (249), Kałumbii (242), Efiopii (240), PAR (210), Małdovy (200), Uźbiekistana (199), Turcyi (161) i inšych.
Pavodle danych Upraŭleńnia narodanasielnictva i mihracyi, u 2024 hodzie pamiežnaja słužba Izrailu admoviła va ŭjeździe 10 371 zamiežniku, u tym liku 384 hramadzianam Biełarusi (3,7%).
Admovy taksama atrymlivali hramadzianie Rasii (2244), Ukrainy (1430), Hruzii (1222), Iardanii (489), ZŠA (487), Małdovy (467) i inšych krain.
Čytajcie taksama:
Hramadzianin Izraila, pra katavańni jakoha ŭ Biełarusi niadaŭna pisali — baćka aktyvista Stahurskaha
Hramadzianin Izraila pryjechaŭ u Biełaruś i vielmi pra heta paškadavaŭ
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr