U biełaruskich haradach vystrojvajucca hihanckija čerhi na kancerty rasijskaha artysta Łazarava
Padobna na toje, vialikija čerhi pierad kancertami rasijskaha pop-vykanaŭcy Siarhieja Łazarava stali vizitnaj kartkaj jaho ciapierašniaha tura pa Biełarusi. Spačatku vialikija natoŭpy byli zaŭvažanyja ŭ Homieli, anałahičnaja karcina nazirałasia ŭ Mahilovie i Hrodnie. Videa, jakija demanstrujuć maštabnyja natoŭpy ludziej kala kancertnych placovak, znoŭ źjavilisia ŭ tyktoku, zaŭvažyŭ Telegraf.news.
Kadry, źniatyja pierad kancertam u Mahilovie, pakazali doŭhuju čarhu ludziej, jakaja raściahnułasia pierad uvachodam.
«Ja, viadoma, razumieju, što heta na kancert Siarhieja Łazarava, ale…» — emacyjna prakamientavaŭ hołas za kadram, dziviačysia kolkaści hledačoŭ, jakija čakajuć uvachodu.
Situacyja paŭtaryłasia i ŭ Hrodnie. Na videa karystalnika tyktoka bačnaja nie mienš vialikaja čarha, jakaja ciahniecca ŭzdoŭž vulicy i idzie ŭdalačyń.
Aŭtarka rolika, fiksujučy toje, što adbyvajecca, navat prykinuła čas čakańnia: «Kab my choć a dziasiataj zajšli tudy ŭsiaredzinu».
Siarhiej Łazaraŭ ciapier pravodzić tur pa Biełarusi. Kancerty ŭžo prajšli ŭ Homieli (dzie taksama naziralisia vialikija čerhi), Mahilovie (25-26 krasavika) i Hrodnie (28 krasavika). Nastupny horad u hrafiku — Brest (29 krasavika).
Čytajcie taksama:
Jak Nadzieja Kadyšava stała novaj zorkaj stadyjonaŭ — rasijskaja moładź skača ŭ karahodach
Novy typ viečarynak nabyvaje papularnaść u moładzi — udzień, z kavaj i biez ałkaholu
Dziasiatki adnolkavych aŭtobusaŭ. Jak zvozili ludziej na kancerty niaviestki Łukašenki