U Biełaruś pryjedzie hiensak Kampartyi Vjetnama
Hienieralny sakratar CK Kampartyi Vjetnama To Łam u mai prylacić u Biełaruś, paviedamiŭ namieśnik staršyni Pałaty pradstaŭnikoŭ Vadzim Ipataŭ padčas svajho vizitu ŭ Vjetnam.
Hienieralny sakratar CK Kampartyi Vjetnama To Łam. Fota: Wikimedia Commons
Ipataŭ zajaviŭ, što supracoŭnictva z Vjetnamam źjaŭlajecca pryjarytetam u źniešniaj palitycy Biełarusi ŭ azijackim rehijonie.
«Čakajecca, što vizit hienieralnaha sakratara CK Kampartyi Vjetnama To Łama ŭ Biełaruś u mai i padpisańnie sumiesnaj zajavy i darožnaj karty na 2025-2027 hady nadaduć novy impuls dvuchbakovym kantaktam i pavysiać status miždziaržaŭnych adnosin», — pryvodzić słovy Ipatava pres-słužba Pałaty pradstaŭnikoŭ.
Pavodle jaho słoŭ, za apošniaje dziesiacihodździe tavaraabarot Biełarusi i Vjetnama vyras bolš čym utraja. Raźvićciu supracoŭnictva maje spryjać i adkryćcio pramych avijaznosin pamiž krainami.
Čytajcie taksama:
Vjetnam i Biełaruś zajavili pra admienu viz
Biełaruś šukaje rabotnikaŭ u Vjetnamie. Voś čamu pakul ničoha nie atrymałasia
Kudy niebiaśpiečna jechać biełarusam, jakich na radzimie pieraśledujuć za palityku KARTY
Byłoha kalinoŭca, jakoha zatrymali ŭ Vjetnamie, imhnienna vydali śpiecsłužbam Łukašenki FOTA