Ekanomika1313

Biełaruś šukaje rabotnikaŭ u Vjetnamie. Voś čamu pakul ničoha nie atrymałasia

Biełaruskija ŭłady adčuvajuć niedachop pracoŭnaj siły. Stvaryć naležnyja ŭmovy, kab viarnulisia emihranty, nie atrymlivajecca. Tamu vyrašana šukać tannych rabotnikaŭ z krain treciaha śvietu — adtul, dzie siaredni zarobak nižejšy za biełaruski. 

Chanoj, Vjetnam, fota pexels.com

«Biełpoł» padzialiŭsia z «Našaj Nivaj» kopijaj lista pasolstva Biełarusi ŭ Vjetnamie. Ź jaho źmiestu možna zrabić vysnovu, što ŭrad usurjoz azadačany pytańniem pošuku rabočaj siły. Zadańnie šukać jaje za miažoj atrymali i dypłamatyčnyja pradstaŭnictvy.

Tak, u liście zhadvajecca pratakoł daručeńniaŭ vice-premjera Biełarusi Anatola Sivaka ad 16 kastryčnika 2024 hoda. U adpaviednaści ź im pasolstva paviedamlaje, što ŭ Vjetnamie «jość peŭny abjom pracoŭnaj siły, dla jakoj biełaruski rynak pracy patencyjna moža być pryvabnym pa ŭzroŭni apłaty».

Jak tłumačycca, u Vjetnamie ŭzrovień biespracoŭja siarod moładzi składaje 8%. Amal paŭtara miljona čałaviek uzrostam da 24 hadoŭ nidzie nie pracujuć i nie vučacca. A siaredni zarobak u krainie składaje $300 — istotna nižej, čym u Biełarusi.

Adnak zavabić vjetnamcaŭ u Minsk usio adno pakul nie ŭdałosia.

Pasolstva paviedamlaje, što ŭ červieni 2024 hoda kiraŭnictva «Kamvola» sprabavała znajści rabotnikaŭ i źviarnułasia pa dapamohu da dypłamataŭ. Tyja praviali niekalki sustreč z rekrutynhavymi ahienctvami.

Alaksandr Łukašenka padčas naviedańnia Kamvolnaha kambinata ŭ śniežni 2017 hoda. Fota: BiełTA.

Kolki hrošaj zachacieli vjetnamcy? $700 zarobku na ruki na miesiac (na pieryjad vyprabavalnaha terminu syšlisia na $500). I heta rabočym biez vopytu pracy pa profili i bieź viedańnia movy. Kali b znajšoŭsia siarod rabočych čałaviek, zdolny kamunikavać pa-rusku ci pa-anhlijsku, to jamu daviałosia b płacić užo pa $1000.

Čamu stolki? Jak tłumačycca ŭ liście, šmat chto z žycharoŭ krainy pracuje za miažoj, pieradusim u Japonii, Paŭdniovaj Karei, Tajvani, Arabskich Emiratach i Saudaŭskaj Aravii. Tam jany zarablajuć istotna vyšej. Tamu pry nižejšym zarobku, maŭlaŭ, niemahčyma budzie znajści achvotnych.

rabočaja siła iz V́jetnama pracoŭnaja siła z Vjetnama labor force from Vietnam

Pry hetym, jak vynikaje ź lista, vjetnamcy hatovyja pracavać pa 10 hadzin. Prapanova ŭtrymlivała pałažeńnie ab «abaviazkovych 2 hadzinach zvyšuročnych», uklučna z pracaj u vychodnyja i śviatočnyja dni z apłataj zhodna ź biełaruskim zakanadaŭstvam.

Achvotnym pryjechać na pracu pracadaŭca pavinien byŭ by apłacić pieralot, a rekrutynhavamu ahienctvu — hanarar u pamiery dvuchmiesiačnaha zarobku kožnaha rabočaha paśla vyprabavalnaha terminu (pa 1400 dołaraŭ).

Razhladzieŭšy takuju prapanovu, kiraŭnictva «Kamvolu» vyrašyła admovicca. Patrabujemy zarobak akazaŭsia vyšejšym za toj, na jaki raźličvali na pradpryjemstvie. 

Kamvol Kamvol Komvol
AAT «Kamvol». Fota: Jandeks-karty

Zhodna ź infarmacyjaj z raździeła vakansij sajta Kamvolnaha kambinata, zarobak nizkakvalifikavanych rabotnikaŭ składaje 900-950 rubloŭ, a apieratara abstalavańnia — ad 1200 da 1400 rubloŭ. Samy vialiki zarobak — 2000 rubloŭ — abiacajuć farboŭščyku.

Biełarusy za takija hrošy pracujuć, a voś vjetnamcy nie zachacieli. Vyhladaje, što pošuk hastarbajtaraŭ praciahvajecca.

Kamientary13

  • Hańba
    07.12.2024
    [Red. vydalena]
  • &
    07.12.2024
    "siaredni zarobak u krainie składaje $300 — istotna nižej, čym u Biełarusi."
    "zarobak nizkakvalifikavanych rabotnikaŭ składaje 900-950 rubloŭ,"
    ...
    heta $300 ?
  • Andruś
    07.12.2024
    Dyk heta jany ŭ Vjetnamie hastarbajtaraŭ šukali i pa darozie znajšli Vieramiejčyka?

Ciapier čytajuć

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos8

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos

Usie naviny →
Usie naviny

Ceny na nieruchomaść rastuć šalonymi tempami10

Babrujski zavod pačaŭ pradavać traktarnyja detali praz Wildberries2

Navukoŭcy praanalizavali 100 tysiač ekzamienaŭ i vyznačyli najlepšy čas dla ich zdačy1

Try viersii «Bahini kachańnia Mildy» ekspanujucca adnačasova ŭ Minsku, Varšavie i Vilni1

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary3

U Drazdach hadami nie mohuć pradać damy, źviazanyja z nabližanymi da ŭładaŭ ludźmi9

Hiermanija pieradała Ukrainie try sistemy Patriot2

U Šatłandyi školnik znajšoŭ na plažy abłomki karabla XVIII stahodździa

Student prajhraŭ u karty i pajšoŭ u kramu pa šakaładku absalutna hoły7

bolš čytanych navin
bolš łajkanych navin

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos8

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos

Hałoŭnaje
Usie naviny →

Zaŭvaha:

 

 

 

 

Zakryć Paviedamić