U Danii aŭtamabil urezaŭsia ŭ natoŭp ludziej — paciarpieli minimum 11 čałaviek
U Kapienhahienie aŭtamabil urezaŭsia ŭ natoŭp ludziej. Pavodle danych palicyi, paciarpieli jak minimum adzinaccać čałaviek, troje ź ich znachodziacca ŭ krytyčnym stanie, piša Bild.
Fota: Steffen Trumpf / picture alliance via Getty Images
Śledčyja kažuć pra darožna-transpartnaje zdareńnie. Udakładniajecca, što pažyły mužčyna straciŭ kiravańnie svaim aŭtamabilem. Na miescy zdareńnia pracavała vialikaja kolkaść ratavalnikaŭ.
«Mašyna ŭrezałasia ŭ vuličnyja stały i łaŭki pierad kramaj. Usio ŭźlacieła ŭ pavietra, ludzi kryčali», — apisała žurnalistka, jakaja vypadkova apynułasia pobač.
Avaryja adbyłasia na moście karalevy Łuizy ŭ centry Kapienhahiena. Heta papularnaje miesca dla adpačynku, tut raźmieščana niekalki kafe.
«Ja padumała, što heta terakt. A što jašče možna padumać, kali mašyna pranosicca z takoj chutkaściu?» — raspaviała inšaja śviedka.
Jak paviedamlajecca, vadziciel spačatku ŭrezaŭsia ŭ budaŭničy abjekt, a zatym źbiŭ viełasipiedysta i niekalkich čałaviek kala bułačnaj. Mužčyna taksama atrymaŭ traŭmy, i, pavodle ŚMI, palicyja jašče nie dapytvała jaho nakont pryčyn zdareńnia.