Zialenski zajaviŭ ab druhim źniščanym USU rasijskim samalocie
Prezident Ukrainy Uładzimir Zialenski ŭ viačernim videazvarocie 3 maja paviedamiŭ ab druhim za dzień źniščanym bajavym samalocie RF.
«Vielmi trapna naša armija praviała apieracyju pa vajskovych abjektach na terytoryi Kryma: minus jašče adzin, druhi rasijski samalot za sutki. Taksama źniščanyja vajskovyja składy», — skazaŭ Zialenski.
Jon padziakavaŭ admysłoŭcam, jakija naroščvajuć ukrainskija dalnabojnyja mahčymaści — «i ŭ niebie, i na mory».
Dniom 3 maja HUR Minabarony Ukrainy raskazała, jak va ŭzajemadziejańni z SBU i siłami abarony Ukrainy ŭ Čornym mory źniščany rasijski samalot Su-30. HUR adznačyła, što heta pieršaje ŭ śviecie źniščeńnie bajavoha samalota marskim dronam.