Na Mazyrskim naftapierapracoŭčym zavodzie prajšli zatrymańni siarod kiraŭnictva

Na Mazyrskim naftapierapracoŭčym zavodzie prajšli zatrymańni. Jak stała viadoma vydańniu «Fłahštok» ad krynicy, źviazanaj ź dziejnaściu pradpryjemstva, zatrymańni adbylisia ŭ kancy krasavika. Pad udar trapili topavyja kiraŭniki zavoda.

Kiraŭniki na terytoryi MNPZ. Ilustracyjnaje fota: mnpz.by

Viadomyja pasady dvuch zatrymanych ź piaci. Heta načalnik jurydyčnaj słužby i dyrektar dyrekcyi pa rekanstrukcyi i raźvićci. Hetych pasad niama ŭ śpisie kantaktaŭ na sajcie zavoda. Pa danych publikacyj u zavodskich ŚMI apošnimi hetyja pasady zajmali Drahiel Ihar Valancinavič i Hud Alaksandr Anatoljevič.

Taksama viadoma, što była zatrymanaja žonka adnaho z kiraŭnikoŭ.

Hienieralny dyrektar MNPZ Vital Paŭłaŭ. Fota: mnpz.by

Pierad 1 maja hienieralny dyrektar zavoda Vital Paŭłaŭ byŭ vielmi zły i zryvaŭsia na padnačalenych, adznačyła krynica «Fłahštoka». Pry hetym rabotniki pradpryjemstva miarkujuć, što pryčynaj zatrymańnia stała karupcyja, a nie «palityka».

Kamientary da artykuła