Prapahandyst z Mazyra pad vyhladam apytańnia miascovych žycharoŭ apublikavaŭ «mierkavańni» fejkavych piersanažaŭ z partretami ź internetu
Mazyrskaja rajonka 21 krasavika vydała publikacyju z zahałoŭkam «U jakija prykmiety vy vierycie? Spytali ŭ mazyran». U materyjale źviarnuli na siabie ŭvahu danyja «surazmoŭcaŭ» i naściarožyli ich nierealistyčnyja fota. Z dapamohaj niekalkich zapytaŭ u Google «Fłahštok» vyśvietliŭ, što ŭsie piersanažy apytańnia — fejkavyja.
Adnak u podpisie pad tekstam značycca, što ź ludźmi hutaryŭ Siarhiej Baravik. Heta adziny realny čałaviek u materyjale — jon pracuje ŭ rajoncy jak minimum z 2022 hoda i adznačyŭsia mnohimi prapahandysckimi publikacyjami, a ciapier praciahnuŭ tradycyi haziety «Homielskije viedomosti», jakaja raniej vydała mierkavańnie «kibierpiensijanierki».
Što tyčycca hierojaŭ prapahandysta, to ni piensijanierki Maryi Savieljevaj, ni chatniaj haspadyni Aleny Procharavaj u Mazyry «Fłahštok» nie znajšoŭ. A voś kiroŭca Uładzimir Śmirnoŭ u horadzie jość, ale fota jahonaje — nie sapraŭdnaje. Z dakładna takim ža zdymkam mazyrskaha Uładzimira na inšych sajtach raniej źjaŭlalisia publikacyi pra niejkaha Valeryja Piatroviča, Džordžya Viłoŭ, Manuela Mitčeła.
Toje ž tyčycca i abiedźviuch žančyn, jakija nibyta pahavaryli z mazyrskim prapahandystam, ź jakim, mabyć, realnyja žychary horada mieć znosiny nie zachacieli, i jamu daviałosia ilustravać svaje ŭjaŭnyja razmovy karcinkami z fotabankaŭ.
Sam tekst ź vialikaj dolaj vierahodnaści byŭ nie vydumany «žurnalistam», a napisany štučnym intelektam — taki adkaz na prośbu acenki «apytańnia» daŭ ChatGPT.
U Homieli prapahanda stvaryła kibierpiensijanierku, kab chvaliła žyćcio pry Łukašenku
«Babulka-simpapulka». Homielskija prapahandysty skaardynavali botaŭ, kab dakazać realnaść kibierpiensijanierki
U Biełarusi raspaŭsiudžvajecca pravakatyŭnaja supołka Dolgb u adkaz na «pryjezd 150 tysiač pakistancaŭ». Što za jana?
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy19
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary