Papamabil Franciška pieraŭtvorać u mabilny špital dla Hazy
Pierad śmierciu Papa Francišak rasparadziŭsia pieraabstalavać svoj aŭtamabil u mabilnuju miedycynskuju kliniku dla dziaciej siektara Haza, paviedamlajuć Naviny Vatykana.
Fota: Naviny Vatykana
Papski aŭtamabil, toj samy, ź jakoha jon vitaŭ miljony viernikaŭ na Płoščy Śviatoha Piatra, pieratvorycca ŭ mabilny špital dla dziaciej Hazy. Inicyjatyva była daručana «Karytas» Jerusalima.
Rašeńnie pieradać aŭtamabil u Hazu stała apošnim žestam salidarnaści Pantyfika z tymi, da kaho jon adčuvaŭ blizkaść na praciahu ŭsiaho svajho pantyfikatu i asabliva ŭ apošnija hady. U vyniku žachlivaj vajny i ciažkaha humanitarnaha kryzisu amal miljon dziaciej Siektara Haza byli vymušany pakinuć svaje damy, a miedycynskaja sistema amal całkam razburana.
Papamabil budzie abstalavany miedycynskimi pryładami, nieabchodnym dla dyjahnostyki, abśledavańnia i lačeńnia dziaciej: ekspres-testami na infiekcyi, dyjahnastyčnymi instrumientami, vakcynami, naborami dla nakładańnia švoŭ i inšymi žyćciova važnymi srodkami.
Mabilnaja klinika dazvolić akazvać dapamohu dzieciam u samych addalenych kutkach Siektara Haza, jak tolki humanitarny dostup budzie adnoŭleny.
«Heta nie prosta transpartny srodak, heta sihnał ab tym, što śviet nie zabyŭsia pra dziaciej Siektara Haza», — ličyć pradstaŭnik «Karytas» Piter Brune.
Čytajcie taksama:
«Što vy jeli siońnia?». Papa Francišak kožny dzień telefanavaŭ chryścijanam Hazy
Kankłaŭ źbiarecca 7 maja, na im budzie staršynstvavać kardynał Paralin