«Dačka biełaruskaha dysidenta, zabitaha pa zahadzie ŭładaŭ». U Netflix vyjšaŭ film, dzie adna z hieraiń — biełaruskaja palituciakačka

Niamiecki Netflix vypuściŭ bajavik «Eksterytaryjalny» (Exterritorial) pra žančynu, jakaja pajšła pa amierykanskuju vizu ŭ pasolstva ŭ Frankfurcie i trapiła tam u prablemy. U filmie zhadali i Biełaruś.

Fota: kadr z trejlera

Hierainia «Eksterytaryjalnaha» — Sara Vulf, byłaja vajennaja, jakaja słužyła ŭ Afhanistanie da 2017 hoda. U žančyny jość šaścihadovy syn Džoš. Razam z chłopčykam Sara prychodzić u amierykanskaje pasolstva ŭ Frankfurcie, kab padacca na amierykanskuju vizu. Niečakana mały źnikaje, i Sara sprabuje jaho znajści, ale nichto joj nie vieryć.

Sara znachodzić dapamohu z boku biełaruski Iryny, u jakoj svaje pytańni da konsulstva. Iryna raskazvaje joj, što jana — dačka biełaruskaha dysidenta, zabitaha pa zahadzie ŭładaŭ. Iryna źbiehła ŭ amierykanskaje pasolstva ŭ Minsku, adtul jaje pierapravili ŭ Frankfurt, i ciapier jana maje infarmacyju, jakaja moža dapamahčy vyzvalić inšych palitviaźniaŭ.

Fota: kadr z trejlera

Apošnim časam u zachodnim kino časta zhadvajuć Biełaruś, ale ŭ inšym rakursie. Naprykład, niekalki miesiacaŭ tamu ŭ Netflix vyjšła kamiedyja, dzie Kemieran Dyjas zmahałasia ź biełaruskim hanhstaram. U inšym niadaŭnim filmie, «Ciaśninie», hierainia Ani Tejłar-Džoj hrała litoŭskuju snajpierku, jakaja stralała ŭ čałavieka na prystupkach samalota ź biełaruskim dziaržaŭnym ściaham.

Kamientary da artykuła