«Łuč» vypuściŭ hadzińnik u pamiać pra trahiedyju Chatyni
Minski hadzińnikavy zavod «Łuč» vypuściŭ novuju kalekcyju — da 80-hodździa pieramohi ŭ Druhoj suśvietnaj vajnie i ŭ pamiać pra los Chatyni. Častka srodkaŭ ad prodažaŭ budzie nakiravana na padtrymku i zachavańnie adpaviednaha miemaryjalnaha kompleksu.
Fota: «Łuč»
Na cyfierbłacie vykanana hraviroŭka karty vioski Chatyń ź jaje kaardynatami, a zboku na korpusie — kolkaść źniščanych u hady vajny nasielenych punktaŭ.
Ramieńčyk z naturalnaj skury ŭpryhožany vyšytym arnamientam, natchnionym ekspazicyjami muzieja «Chatyń». Jon adsyłaje da narodnych tradycyj i karanioŭ, simvału ziamli.
Na zadnim baku korpusa znachodzicca akienca, jakoje adkryvaje miechanizm, hraviroŭka kałaska jak ładu žyćcia, nadziei i adradžeńnia, a taksama stylizavanaha znaka ziamli.
Korpus vykanany ź nieržaviejučaj stali, cyfierbłat nakryty sapfiravym škłom z antyblikavym pakryćciom. Unutry — miechanizm «Uschod 2409».
Kalekcyja limitavanaja — 500 ekzemplaraŭ.
Čytajcie taksama:
Prapahandysty razhaniajuć fejk pra vydaleńnie artykuła pra Chatyń u Vikipiedyi
Pamior dyrektar miemaryjalnaha kompleksu «Chatyń»
Nazvanyja try samyja papularnyja muziei Biełarusi — usie jany źviazany z vajnoj
U Chatyń praź les i piecham. Jak viaskovyja dzieci adznačali 9 maja ŭ poźniesaviecki čas
«Łuč» vypuściŭ hadzińnik u honar Vasila Bykava i abviaściŭ z hetaj nahody tvorčy čelendž