Aviečkin padaryŭ Łukašenku džersi sa svaim aŭtohrafam
Rasijski chakieist Alaksandr Aviečkin, jaki ciapier vystupaje ŭ NCHŁ i źjaŭlajecca najlepšym snajpieram rehularnaha čempijanatu, pieradaŭ Alaksandru Łukašenku padarunak — džersi sa svaim aŭtohrafam, paviedamiŭ «Puł Pieršaha».
Fota: Puł pieršaha
«Alaksandru Ryhoraviču ad OVI (tak nazyvajuć Aviečkina amierykanskija zaŭziatary)! Usiaho najlepšaha!» — napisana na džersi.
Taksama rasijski chakieist sustreŭsia z časovym pavieranym u spravach Biełarusi ŭ ZŠA Paŭłam Šydłoŭskim.
Mienavita padčas hetaj sustrečy Šydłoŭski ŭ aficyjnym paradku ŭručyŭ chakieistu vinšavańnie Łukašenki z nahody taho, što toj staŭ rekardsmienam NCHŁ pa kolkaści hałoŭ u rehularnych čempijanatach, a Aviečkin — pieradaŭ svoj padarunak biełaruskamu palityku.