Turčyn naviedaŭ Nahorny Karabach
Premjer-ministr Biełarusi Alaksandr Turčyn aznajomiŭsia z tym, jak iduć adnaŭlenčyja raboty ŭ horadzie Fizuli ŭ Karabachu, paviedamiła pres-słužba ŭrada Azierbajdžana.
Fota: Aziertah
Biełaruski premjer znachodzicca ŭ Azierbajdžanie z aficyjnym vizitam. U aŭtorak Turčyn prybyŭ u mižnarodny aeraport Fizuli, dzie jaho sustrakaŭ premjer-ministr Ali Asadaŭ.
«Premjer-ministr Biełarusi aznajomiŭsia z chodam adnaŭlenčych rabot, što pravodziacca ŭ Fizulinskim rajonie», — havorycca ŭ paviedamleńni.
Raniej u ramkach vizitu ŭ Azierbajdžan Turčyn sustreŭsia z prezidentam Ilchamam Alijevym.