U Maskvie i Padmaskoŭi prablemy z suviaźziu

U Kramli zaklikali z razumieńniem pastavicca da takich abmiežavańniaŭ.

U mnohich rajonach Maskvy internet adklučany całkam abo jon pracuje ź pierabojami. Nie zahružajucca bankaŭskija prahramy, nielha skarystacca karšerynham ci raspłacicca kartaj u kaviarni.

Abmiežavańni nakładvajucca mienavita na mabilnuju pieradaču dadzienych. Heta vyhladaje jak metanakiravanaje hłušeńnie suviazi ŭ horadzie. Mahčyma, pryčynaj stała ŭviadzieńnie śpiecyjalnych režymaŭ biaśpieki ŭ suviazi z dronavaj atakaj.

U toj ža čas u Kramli zaklikali z razumieńniem pastavicca da abmiežavańnia mabilnaha internetu.

«My jak maskvičy, viadoma ž, chočam, kab śviata było adznačanaje. Razam z tym my pavinny ŭličvać toje niebiaśpiečnaje susiedstva, jakoje my majem. U hetaj suviazi na praciahu ŭsich dzion, da 10 čysła ŭklučna, treba być hatovym da takich časovych abmiežavańniaŭ u pracy mabilnaha internetu», — skazaŭ pres-sakratar Kramla Dźmitryj Piaskoŭ.

Kamientary da artykuła