Niama lepšaha aramatyzataru za vocat. Voś jak heta dziejničaje

Kali vy lubicie naturalnyja alternatyvy ahresiŭnaj chimii, źviarnicie ŭvahu na vocat. Heta dastupny srodak, jaki prosta vykarystoŭvać takim sposabam, pry jakim nie tolki niejtralizujucca kiepskija pachi, ale i pavietra ačyščajecca. 

Vocat u spałučeńni z kroplaj efirnaha aleju — heta vielmi efiektyŭny srodak.

Vocat — pradukt, jaki tradycyjna atrymlivajecca ŭ vyniku mikrabijałahičnaha sintezu z dapamohaj vocatnakisłych bakteryj z charčovaj syraviny, jakaja ŭtrymlivaje śpirt. Isnuje niekalki vidaŭ vocatu: bieły, jabłyčny, vinny, balzamičny. Ale mienavita zvyčajny 9% charčovy vocat — najbolš efiektyŭny dla niejtralizacyi pachaŭ.

U adroźnieńnie ad šmatlikich dezadarantaŭ, jakija tolki maskirujuć pachi, pierabivajučy ich sintetyčnymi vodarami, vocat uździejničaje na samu pryčynu — jon chimična niejtralizuje pachi. Heta adbyvajecca dziakujučy vocatnaj kisłacie, jakaja reahuje ź latučymi złučeńniami, što vyklikajuć niepryjemny pach. U vyniku pavietra ŭ pamiaškańni stanovicca nie prosta «pryjemnym», a sapraŭdy čystym ad pachaŭ.

Asnoŭny mietad pazbavicca niepryjemnych pachaŭ — pastavić šklanki z vocatam u tych miescach, dzie pachi najbolš adčuvalnyja, i pakinuć na noč abo navat na niekalki dzion (kali pach asabliva ŭstojlivy). Paśla vykarystańnia vocat nieabchodna vylić i, kali treba, zamianić na śviežy.

Dla nievialikich i zamknionych prastoraŭ, takich jak šuflady ci šafy, možna vykarystać prosty mietad: namačyć skamiečanuju papieru vocatam i pakłaści jaje ŭnutr. Jana budzie pahłynać zatchłyja pachi.

Jak vyvieści pach cyharet vocatam

Źmiašajcie vocat i vadu ŭ praporcyi 1:1 u pulvieryzatary i raspylicie na tekstyl i meblu (ale spačatku praviercie na małym učastku).

Kali adzieńnie prasiaknuta dymam — naprykład, paśla vohnišča abo znachodžańnia ŭ pakoi, dzie kuryli, — vocat taksama pryjdzie na dapamohu. Prosta dadajcie adnu šklanku vocatu ŭ adsiek dla pałaskańnia vašaj pralnaj mašyny.

Jak vyvieści pach žyvioł vocatam

Pach chatnich žyvioł (u tym liku mačy) — jašče adna raspaŭsiudžanaja prablema, jakuju možna vyrašyć z dapamohaj vocatu.

Źmiašajcie 1 častku vocatu i 2 častki vady, dadajcie 3—5 kropiel efirnaha aleju (łavanda, miata, limon) i apracujcie dyvany, koŭdry abo miescy, dzie žyvioły časta byvajuć.

Jak vyvieści pach ježy vocatam

Smažanaje, vostraje, ryba — usio heta moža trymacca ŭ pavietry niekalki dzion. Kab pach źnik, źmiašajcie ŭ kastruli paŭšklanki vocatu i adnu šklanku vady. Rastvor trymajcie na słabym ahni na praciahu niekalkich hadzin. Nie nakryvajcie kryškaj — para pavinna svabodna vychodzić u pavietra. U rastvor možna dadać hvaździki abo cytrusavuju cedru — efiekt budzie bolš pryjemny. Pry hetym važna zabiaśpiečyć dastatkovuju vientylacyju.

Jak vocatam vyvieści ćvil i syraść

Źmiašajcie roŭnyja častki vocatu i vady, dadajcie dźvie-try kropli aleju čajnaha dreva (maje antyhrybkovy efiekt), i raspylicie na syryja miescy: ścieny, kuty, vannuju, zadniuju ścienku šafy.

Miery zaściarohi pry vykarystańni vocatu

Choć vocat źjaŭlajecca biaśpiečnym i naturalnym srodkam, pry jaho vykarystańni dla vydaleńnia pachaŭ važna vykonvać niekatoryja miery zaściarohi:

• Nie vykarystoŭvajcie vocatu na pavierchniach z marmuru ci hranitu, bo kisłata psuje, raźjadaje pavierchniu.

• Nie źmiešvajcie vocatu z adbielvalnikam, bo heta moža pryvieści da ŭtvareńnia škodnych paroŭ.

• Pierš čym vykarystoŭvać na novych tkaninach abo pavierchniach pryhatavany rastvor, prateścirujcie na nievialikim učastku.

• Nie vykarystoŭvajcie vocatu na pavierchniach, pakrytych voskam abo alejem, bo jon moža vydalić hety achoŭny słoj.

Kamientary da artykuła