Śpiecpradstaŭnik Trampa Kiełah nazvaŭ Pucina hałoŭnaj pieraškodaj na šlachu da spynieńnia ahniu va Ukrainie
Pra heta Kit Kiełah zajaviŭ u intervju Fox News.
Kit Kiełah i Uładzimir Zialenski ŭ Kijevie. 20 lutaha 2025 hoda. Fota: Maxym Marusenko / NurPhoto via Getty Images
Śpiecpradstaŭnik Trampa Kit Kiełah u intervju Fox News nazvaŭ Pucina hałoŭnaj pieraškodaj na šlachu da spynieńnia ahniu va Ukrainie:
«Jany [ukraincy] pahadzilisia, što nieabchodnaje 30-dzionnaje ŭsieachopnaje pieramirje na ziamli, na vadzie i ŭ niebie, jakoje moža być praciahnuta. Jany chočuć hetaha ŭžo siońnia. My viarnulisia z Łondana dva tydni tamu, my kantaktavali z tak zvanaj «kaalicyjaj achvotnych», jakuju ŭznačalvajuć brytancy, francuzy i niemcy, i jany hatovyja da hetaha ŭsieachopnaha pieramirja z mnostvam umoŭ. I ŭkraincy z hetym zhodnyja, choć nie ŭsie ŭmovy im padabajucca», — skazaŭ amierykanski čynoŭnik.
«Ja dumaju, što my blizkija. Adziny čałaviek, jaki moža prynieści vynik, — heta prezident Tramp. Kali, viadoma, Pucin pahodzicca. Dumaju, što mienavita ciapier našaj hałoŭnaj pieraškodaj na šlachu da prahresu źjaŭlajecca prezident Rasii, jaki nie zhadžajecca», — zaznačyŭ Kit Kiełah.
Čytajcie taksama:
Śpiecpasłańnik Trampa zajaviŭ pra hatoŭnaść Zialenskaha da terytaryjalnych sastupak Rasii
«Pytańnie zakrytaje». Kit Kiełah zajaviŭ, što Ukraina nie stanie členam NATA