Спецпрадстаўнік Трампа Келаг назваў Пуціна галоўнай перашкодай на шляху да спынення агню ва Украіне
Пра гэта Кіт Келаг заявіў у інтэрв'ю Fox News.
Кіт Келаг і Уладзімір Зяленскі ў Кіеве. 20 лютага 2025 года. Фота: Maxym Marusenko / NurPhoto via Getty Images
Спецпрадстаўнік Трампа Кіт Келаг у інтэрв'ю Fox News назваў Пуціна галоўнай перашкодай на шляху да спынення агню ва Украіне:
«Яны [украінцы] пагадзіліся, што неабходнае 30-дзённае ўсеахопнае перамір’е на зямлі, на вадзе і ў небе, якое можа быць працягнута. Яны хочуць гэтага ўжо сёння. Мы вярнуліся з Лондана два тыдні таму, мы кантактавалі з так званай «кааліцыяй ахвотных», якую ўзначальваюць брытанцы, французы і немцы, і яны гатовыя да гэтага ўсеахопнага перамір’я з мноствам умоў. І ўкраінцы з гэтым згодныя, хоць не ўсе ўмовы ім падабаюцца», — сказаў амерыканскі чыноўнік.
«Я думаю, што мы блізкія. Адзіны чалавек, які можа прынесці вынік, — гэта прэзідэнт Трамп. Калі, вядома, Пуцін пагодзіцца. Думаю, што менавіта цяпер нашай галоўнай перашкодай на шляху да прагрэсу з’яўляецца прэзідэнт Расіі, які не згаджаецца», — зазначыў Кіт Келаг.
Чытайце таксама:
Спецпасланнік Трампа заявіў пра гатоўнасць Зяленскага да тэрытарыяльных саступак Расіі
«Пытанне закрытае». Кіт Келаг заявіў, што Украіна не стане членам НАТА