U Hrodnie abvaliłasia častka mosta
Na vulicy Padolnaj u Hrodnie adbyłosia abvalvańnie vonkavaha azdableńnia mosta, paviedamili ŭ Ministerstvie nadzvyčajnych situacyj.
Skrynšot ź videa
U MNS adznačyli, što paciarpiełych niama, ruch čyhunačnaha transpartu nie parušany. Pahrozy žyćciu i biaśpiecy ludziej taksama niama.
Paviedamlajecca, što dla arhanizacyi ruchu aŭtatranspartu na miescy zdareńnia dziažuryli supracoŭniki DAI, a śpiecyjalisty ŽKH apieratyŭna praviali rasčystku prajeznaj častki ad budaŭničych materyjałaŭ.
Hrodzienski harvykankam pryniaŭ rašeńnie ab časovym spynieńni ruchu na hetym darožnym učastku. Ramontna-adnaŭlenčyja raboty abiacajuć pravieści ŭ samyja karotkija terminy, a pra adnaŭleńnie ruchu paviedamiać dadatkova.