U Tajłandzie rezka vyrasła kolkaść biełaruskich turystaŭ

Kolkaść biełarusaŭ, jakija vybirajuć adpačynak u hetaj azijackaj krainie, z pačatku hoda istotna pavialičyłasia, paviedamiłi ŭ Asacyjacyi turapierataraŭ Rasii sa spasyłkaj na danyja turystyčnaha ŭpraŭleńnia Tajłanda.

Fota: vecteezy.com

Na adpačynak u hetuju azijackuju krainu za pieršyja čatyry miesiacy hoda adpraviłasia 16 125 našych suajčyńnikaŭ — heta adrazu na 151,8% bolš, čym było hodam raniej.

Adnak ža heta, viadoma, nie paraŭnalna z kolkaściu turystaŭ, jakija jeduć na adpačynak u Tajłand z Rasii. Ich kolkaść za pieršyja čatyry miesiacy hoda vyrasła na 15,2% u paraŭnańni sa studzieniem-krasavikom 2024 hoda. Usiaho ŭ krainu za nazvany pieryjad zajechała 880 tysiač rasijan. Pa turpatoku svaich hramadzian u Tajłand Rasija zajmaje treci radok, sastupajučy tolki Kitaju i Małajzii. 

Raniej stała viadoma, što z 1 maja zamiežnym hramadzianam, u tym liku biełarusam, pierad ujezdam u Tajłand nieabchodna zapaŭniać asablivuju ličbavuju kartu prybyćcia (TDAC).

Kamientary da artykuła